70 tësãców za “kaszëbską” domenã

(*) Òbrôzk pòchôdô ze starnë serwisu alegro.pl (kòpijô z dnia 19 môja 2006 rokù)

Miéwca domenë kaszuby.pl wëstôwił ją na zôczątkù môja na internetową aukcëjã. Samô ji zamkłosc nié bëła aktualizowónô prakticzno ju òd zôczątkù ji bëcegò w necé – żle mie pamiãc nié mili, to òd strumiannika 2001 rokù, a to że nalôzła sã na akcëji nié je niczëm lëchim. Pamiãtôm równak “aferã”, chòba z 2003 rokù, z pòrnograficzną pòddomeną jakô sã tam krótkò najdiwôła – òd tegò czasu móm co do ti domenë malińką niészmakã. Czëkawe bëł wedle mie dosc wësoczi wëchódny priz jaczi szło ùzdrzec na akcëji (http://www.allegro.pl/item100426002_www_kaszuby_pl_na_sprzedaz.html) : 70.000 złotëch. Tim razą nié dało sã ji przedac, le mëszlã, ze za jaczis czas sã gwës chtos nalôze.

3 thoughts on “70 tësãców za “kaszëbską” domenã

  1. michol

    70000 złotëch to wiela dëtków… Wedle mie chùtko to sã na ną domenã nicht nie naleze. Mòże jakô wanożnikòwô agencëja, albo cos w nen ôrt, leno nie jem gwës czë jim nót je dëcht taczi domenë, za mni dëtków téż mòżnô miec dobrą adresã. Samò pòłożenié domenë wësok w wëszukiwôrkach (jakno to reklamùje miéwca) nie je dzys wiela wôrte, kò to mòżnô zrobic samemù. Wedle mie to nie je przëcygający bédënk. Równak jakbë chtos to kùpił, tedë bë bëłô szansa, bë cos sã na ti starnie zmieniło. Téj jô żëczã żebë sã ùdôł nen przedôj!

    Reply
  2. gòsc

    Miewca starne nie chce ji sprzedac za mni, nawetka czej nie nalezl zóden allegrowicz, co be ja za teli kupil.

    Reply
  3. Mark

    Në jo, le priz je i tak wësoczi. Adresa sã tak pò prôwdze samô pòzëcjonëje, chòc terô to z tim tekstã jaczi je mòżno na przédni starnie przëczëtac:

    Aukcja internetowa domeny http://www.kaszuby.pl
    na Allegro
    Dane techniczne:
    · Pełna nazwa zarejestrowanej domeny w NASK: http://www.kaszuby.pl
    · Domena jest zarejestrowana w ponad 1000 różnych wyszukiwarek internetowych (spis wyszukiwarek internetowych w których domena została zarejestrowana przesyłam w pliku txt w odpowiedzi na maila z zapytaniem)
    Domena została wypozycjonowana i obecnie znajduje się stale w pierwszej piątce domen pod hasłem: kaszuby w wyszukiwarce google.pl

    mô nôwikszi szanse na to, bë pòłòżenié stracëc – takô starna je pòzeranô jaknò w przëszekù, a to nié je za dobre, no le to ju nie je mój jiwer.

    Reply

Leave a Reply to Mark Cancel reply

Your email address will not be published. Required fields are marked *