Bajtowé ë bitowé kôrtczi

Jesz nie tak dalek nazôd, przëchôdôłë do dodómù kôrtczi na swiãta òd całi rodzëznë, kôrtczi co je przënoszëł brifka. Ma je chãtno òbzérôlë ë nimò tegò, że tekst bëł wszãdze wnet taczi sóm, to bëłë òne doch wszëtczé różńé.
Terô móm znôwù dostónëch wiele żëczbów na Gòdë, le téż corôz wicy tëch elektronicznëch, a z tima to sã pòmalińkù robi tak, że sëlónô je jednô “kôrtka” do fùl lëdzi ë tak pò prôwdze to człowiek sóm nie wie co je luz ë czë ò niegò jidze:
“Żëczã Ce/Wama wiele dobregò…”
Në wejle, to jesz dostôwôcz mùszi sã sztrëchnąc to co sã jegò nie tikô – czësti cirkùs 🙂 .
Dosc dzywny zwëk sã, w sparłączeniém z tim, narodzył. Wëgòdô je w tim wiôlgô, le wëchôdô z tegò bezòsobòwô żëczba z przekôzã “móm Waji na lësce” ë tak pò prôwdze nie je to jinszé òd zwëczajnegò e-mailowegò spamù. 🙁

Leave a Reply

Your email address will not be published.