Linuxcsb 1 – Kaszëbsczi Remix Kubuntu 9.10

Mómë ùprzëstãpnioné na linuxcsb.org , Kaszëbsczi Remix Kubuntu 9.10 – Linuxcsb 1 .  Je òn zmòdifikòwóną wersëją distribùcëji Kubuntu 9.10, chtërną mómë w pierszi rédze  dofùlowóną najim kaszëbsczim dolmaczënkã graficznegò òkrãżô KDE. Drëdżim jãzëkã, chtërny mómë dodóny, to pòlsczi jãzëk  – dzãka temù dobëwają brëkòwnicë fùl przëstãp do softwôrë, chtërnô jesz nie je przedolmaczonô na kaszëbsczi. Dodóné mómë téż wszelejaczé kòdeczi aùdio i wideò, co dô mòżnotã graniô wnetka wikszoscë fòrmatów.

Przez to, że ma nie chcelë przeńc w miarze lopka grańce  700 MB, mómë czile aplikacëjów rëmniãtich – dodôné mómë równak na jich placu téż nowé. Naji softwôrowi wëbiérk je subiektiwny, wiemë dobrze ò jegò słabich starnach,  je to równak  pierszé ùprzëstãpnienié kaszëbskòjãzëkòwégò Linuksa w taczi fòrmie.

Proszimë pamiãtac ò tim, że  nié ùprzëstãpniamë niżódny nowi distribùcëji Linuksa, a blós ji skaszëbioną ë spilszczoną wersëjã.

Skądka zladowac

Kaszëbsczi Remix Kubuntu 9.10 (csb-lite) :

  • http://linuxcsb.org/download/csb-lite.iso
    i386 (x86, 32-bitowi, z mòżnotą instalacëji na 64-bitowich kòmpùteach)

Wicy wëdowiédzë na:

  • http://linuxcsb.org/kde/kaszebsczi-remix-kubuntu-9-10

Mark Kwidzińsczi ë Michôł Òstrowsczi

Leave a Reply

Your email address will not be published. Required fields are marked *