Linux – to ju je 25 lat !

Tux / maskòtka Linuxa. Usôdzca: Larry Ewing - zdrój: http://isc.tamu.edu/~lewing/linux/

Tux – maskòtka Linuxksa. Usôdzca: Larry Ewing – zdrój: http://isc.tamu.edu/~lewing/linux/

25.08.1991 fińsczi sztudéra Linus Torvald pòdzélëł sã ze swiatã, na mailingòwi lësce Minixa tim, że robi nad òperacjową systemą na ôrt Unixa. Miała to bëc systema blós dlô kòmpùtrów z procesorã  i386 z 32-bitową architekturą ë cwiardą platą z przëłączã AT – to nick jinszégò jakno “zwëczjané“ ” pecetë z tamtich czasów. 17.09.1991 dało ju scygnąc ji pierwszi wëdôwk ji 0.01 zdrojowégò kòdu.

Ò tim, że Linux bãdze nôbarżi rozkòscérzonym zdrojowim kòdã na swiece nicht 25 lat nazôd bë nie pòmëszlôł. Mòże terô sómi  do se gôdôta: “céż òn pleszczi !”.  Ne le to czëstô prôwda je. Linux je dzysô wszãdze. Ùżëwôta mòże do sparłãczeniô sã z internétą  routerã  z „Access Points” n.p.  FRITZ!Box? Në tej ùżëwôta prawie Linuksa. Céż je z wają kòmórką, môta mòże taką z Androidã? Jo, to téż je Linux. A céż z tima nowima telewizorama, czë téż wajima aùtowima nawigacjama? Tam téż bënë sedzy Linux.  Jak widzyta, je tegò dosc tëli ë nawetka jeżlë w domòcych kòmpùtrach Linux, jakno òperacjowô systema nie mòże sã równac z Windowsã  czë MacOSã, za to jegò rozkòscérzenié, swòją wielotą na jinszich gónach, je bez przërównaniô.

Mòże prawie 25-latni gebùrstach Linuxa je dlô waji dobrim czasã na przezdrzenié sã jemù blëżi?  Wcyg dô scygnąc naji kaszëbsczi wëdówk Linuksa ze starnów linuxcsb.org. Jem pò prôwdze bùszny z tegò, że jô bëł dzélã ti ùdbë.

Wszëtczégò belnégò Linuksë!!!

Leave a Reply

Your email address will not be published.